मिरज तालुका

श्रीमंत गणपतराव पटवर्धन यांच्या शासनकाळात मिरज संस्थानाची स्थापना करण्यात आली होता. मिरजच्या सर्कससिंह परशुराम माळी यांची जगप्रसिद्ध सर्कस होती शहरातील द्राक्षे महाराष्ट्रातील अतिशय प्रसिद्ध द्राक्षे आहेत. मिरज शहर वेगाने विकसीत होत आहे. मिरजचे बेदाणा मार्केट प्रसिद्ध आहे.

मिरज गणेश मंदिर

सांगली जिल्ह्यातील मिरज या तालुक्याच्या ठिकाणी श्री गजाननाचे जुने मंदिर आहे. पेशव्याचे प्रसिद्ध सेनानी परशुराम भाऊ पटवर्धन यांनी सुमारे 200 वर्षांपूर्वी हे मंदिर आणि दक्षिणी घाटणीचे सात मजली गोपूर गणेश मंदिराच्या पुढे बांधले आहे. गोपूरावर खालपासून वरपर्यंत विविध देवदेवतांच्या मुर्ती कोरल्या आहेत.
मंदिरात जाताना उजव्या बाजूस श्री गजाननाचा एक मोठा लाकडी रथ होता, तो निकामी झाल्याने त्याच्याऐवजी आता लोखंडी रथ तयार केला आहे. दरवर्षी गणपती उत्सवात हा रथ बाहेर काढतात. तो शेकडो माणसे मोठ्या भक्तीभावाने ओढतात. मिरजचा हा श्री गजानन उजव्या सोंडेचा असून तो जागृत आहे.

राधा गोपाल मंदिर

मिरजपासून १० कि.मी. अंतरावर आरवडे येथे आंतरराष्ट्रीय कृष्ण भाव संघ (ISCON) चे राधा गोपाल मंदिर आहे. प्राचीन व आधुनिक मंदिर स्थापत्यकलेचा सुरेख संगम येथे पाहावयास मिळतो. मंदिराची उंच शिखरे दुरूनही दृष्टीस पडतात. या ठिकाणी वृंदावन गार्डन मनोहर सौंदर्याची अनुभूती देते..

होनाईदेवी मंदिर, हतनूर

मिरज तालुक्यातील हतनूर येथे हे देवस्थान आहे. मंदिराभोवतीचा परिसर अप्रतिम सौंदर्याने नटलेला आहे. पर्यटनस्थळ म्हणून या ठिकाणाचा विकास केला जात आहे.

कुळकजाई

येथील सितामाई मंदिर प्रसिद्ध असून, मकर संक्रांतीला येथे खुप भाविक विशेषतः महिला दर्शनासाठी गर्दी करतात.